Главная » 2008 » Декабрь » 31 » Azərbaycanın şimal-qərb bölgəsində yeni telekanal fəaliyyətə başlayıb
Azərbaycanın şimal-qərb bölgəsində yeni telekanal fəaliyyətə başlayıb
13:14:38
Şəki.
Vüqar Heydərov-APA. Bu gün Şəkidə “Kanal-S” özəl televiziya kanalı açılıb. APA-nın Şəki-Zaqatala bürosunun xəbərinə görə, televiziya
kanalı UHF diapazonunun 43-cü kanalında yayımlanmağa başlayıb. Kanalın 17 ay
ərzində inşa edilən 3 mərtəbədən ibarət binasında 3 çəkiliş studiyası və 30 iş
otağı yerləşir. Müasir rəqəmsal avadanlıqlarla təchiz olunmuş televiziya
fəaliyyətə 3 canlı proqramla başlayıb. Hər gün "Kanal-S Xəbər" adlı 2
xəbər proqramı, "Gün gəlir" adlı səhər proqramı və
"Hit-miks" adlı 2 musiqi proqramı yayımlayacaq telekanal 18 saat
efirdə olacaq.
Bundan başqa, tamaşaçılar hər həftə "İpək kimi"
adlı qadın, "Gəzərsən-görərsən" adlı maarifləndirici, "Təzə
məzə" adlı yumoristik proqramları “Kanal-S” telekanalının efirindən izləyə
biləcəklər. Ancaq Azərbaycan dilində yayım həyata keçirən telekanalda
50 nəfərlik texniki və yaradıcı personal çalışacaq. İlk olaraq Şəki ərazisində yayımlanan telekanalın tezliklə
Balakən, Zaqatala, Qax və Oğuz rayonlarında da yayımlanması gözlənilir.
