Главная » 2008 » Октябрь » 20 » Hacıbəy Zakatalski dövlət əleyhinə açıq çağırışlarda ittiham olunur
Hacıbəy Zakatalski dövlət əleyhinə açıq çağırışlarda ittiham olunur
16:54:37
Zaqatala. Hafiz Heydərov-APA. Azərbaycanın
Zaqatala rayonunda həbs edilmiş iş adamı Hacıbəy İbrahimov (Zakatalski)
və onun daha iki tərəfdaşı barəsində Cinayət Məcəlləsinin 281-ci
(dövlət əleyhinə yönələn açıq çağırışlar) maddəsi ilə cinayət işi
başlanılıb.
Bu barədə APA-ya
rayon hüquq mühafizə orqanlarından məlumat verilib. Məlumatda
bildirilir ki, H. Zakatalski dindirilmək üçün Milli Təhlükəsizlik
Nazirliyinin (MTN) istintaq təcridxanasına göndərilib. Faktla bağlı
istintaq tədbirləri davam etdirilir.
Qeyd edək ki, tanınmış iş adamı H. Zakatalski MTN və Zaqatala Rayon
Polis Şöbəsinin oktyabrın 13-də keçirdiyi birgə əməliyyat zamanı həbs
olunub. Bir neçə gün sonra isə onun daha iki tərəfdaşı, sürücüsü Nəbi
Sulxayev və sahibi olduğu “Ləzzət” istirahət guşəsinin əməkdaşı Hacı
Katlayev həbs edilib. Hər üç şəxs rayonun milli azlıqlar yaşayan
kəndlərində milli zəmində təxribat xarakterli kitab və vərəqələr
yaymaqda təqsirləndirilir. Yayılmış vərəqələrdə dövlət əleyhinə
çağırışlar və bölgədə Muxtar Respublika yaratmaq meylləri əks olunub.
H. Zakatalskinin evində axtarış aparılarkən oradan dövlətçilik əleyhinə
xeyli sənəd və əl qumbarası aşkar edilərək götürülüb. Bundan başqa,
təqsirləndirilən şəxsin iş yerində olan kompüterlər də əməliyyatçılar
tərəfindən götürülüb. Faktla əlaqədar onlarla rayon sakininin istintaqa
cəlb edilərək dindirildiyi də bildirilir.
Xatırladaq ki, Zaqatalada “Zakatalski” kimi tanınan H. İbrahimov
tanınmış iş adamıdır. O, “Ləzzət” istirahət guşəsi və “Mağara” tütün
fermer təsərrüfatının sahibidir.
Men Hacibey Zakatalskinin yerlisiyem, shexsen onu tanimasam da lakin yaxshi bir insan olduguna shubhe etmirem..Onun haqqinda yazilanlar shubhesiz yalandir..
