Главная » 2008 » Август » 2 » MTN-in Balakən rayon şöbəsinin rəisinin oğlunun törətdiyi avtomobil qəzasında iki nəfər ölüb
MTN-in Balakən rayon şöbəsinin rəisinin oğlunun törətdiyi avtomobil qəzasında iki nəfər ölüb
16:57:47
Şəki. Hafiz Heydərov - APA. İki gün əvvəl
Şəki rayonunun Cumakənd kəndində baş verən avtomobil qəzasının təfərrüatları
məlum olub. Hüquq-mühafizə orqanlarındakı mənbədən APA-nın Şəki-Zaqatala
bürosuna bildirilib ki, sözügedən qəzanı törədən Ramil Seyidov Milli
Təhlükəsizlik Nazirliyinin Balakən rayon şöbəsinin rəisi Mirsamir Seyidovun
oğludur. R. Seyidovun idarə etdiyi “Mercedes” markalı, 08 BA 444 dövlət nömrə
nişanlı avtomobil əks istiqamətdə hərəkət edən Mehman Həsənovun idarə etdiyi
“İj-Yupiter” markalı motosikletlə toqquşub. Qəza nəticəsində motosikletin
sürücüsü M. Həsənov və sərnişin Nemət Məmmədov aldığı xəsarətdən hadisə yerində
keçiniblər. Faktla bağlı Şəki rayon Polis Şöbəsi tərəfindən araşdırma aparılır.
