Главная » 2008 » Июль » 27 » Şəkidə 15 hektar ərazidə yeni Nəbatat Bağı salınacaq
Şəkidə 15 hektar ərazidə yeni Nəbatat Bağı salınacaq
13:21:25
Şəki. Hafiz Heydərov - APA. Şəkidə yeni Nəbatat Bağı salınacaq. Bu barədə APA-nın
Şəki-Zaqatala bürosuna Azərbaycan Milli Elmlər Akademiyasının (AMEA)
Şəki Regional Elm Mərkəzindən məlumat verilib. AMEA Rəyasət Heyətinin
qərarı ilə ölkənin şimal-qərb bölgəsində yerləşən Şəki Regional Elm
Mərkəzində bir sıra dəyişiklik gözlənilir. Belə ki, mərkəzdə yeni
geodinamika və tarix laboratoriyalarının istifadəyə verilməsi nəzərdə
tutulub ki, bu laboratoriyalarda yer kürəsində baş verən proseslər ABŞ
mütəxəssisləri ilə birgə öyrəniləcək. Bundan başqa, mərkəzdə həyata
keçiriləcək layihələrdən ən önəmlisi isə təbiətin öyrənilməsi üçün
nəzərdə tutulan yeni Nəbatat Bağının salınmasıdır. Yeni salınacaq bağ
15 hektar ərazini əhatə edəcək.
Qeyd edək ki, AMEA-nın Şəki Regional Elm Mərkəzi 1972-ci ildə
yaradılıb. 1995-ci ildə isə mərkəzə müstəqil elmi müəssisə hüququ
verilib.
