Главная » 2008 » Июль » 26 » Şəki rayonunda toyuq qeyri-adi yumurta yumurtlayıb
Şəki rayonunda toyuq qeyri-adi yumurta yumurtlayıb
13:23:12
Şəki. Hafiz Heydərov - APA. Azərbaycanın Şəki rayonunda maraqlı hadisə baş verib. APA-nın
Şəki-Zaqatala bürosunun məlumatına görə, rayon sakini Sevil Rəsulovanın
şəxsi təsərrüfatında olan toyuq qeyri-adi yumurta yumurtlayıb. S.
Rəsulovanın sözlərinə görə, hindən yumurta götürmək istəyərkən
yumurtalardan birinin üz qabığının zədələndiyini görüb. Ev sahibi
zədələnmiş hissədən baxanda yumurtanın içərisində başqa bir yumurtanın
da olduğunu görəndə gözlərinə inanmayıb. S. Rəsulovanın sözlərinə görə,
hər iki yumurta sağlam və mayası yerində olub. S. Rəsulova və hadisənin
digər şahidləri belə halla ilə ilk dəfədir, rastlaşdıqlarını
bildiriblər.
