Главная » 2008 » Июль » 23 » Şəkidə fəaliyyət göstərən valyutadəyişmə məntəqəsində soyğunçuluq hadisəsi baş verib
Şəkidə fəaliyyət göstərən valyutadəyişmə məntəqəsində soyğunçuluq hadisəsi baş verib
21:49:53
Şəki. Hafiz Heydərov - APA. Şəki şəhərindəki
valyutadəyişmə məntəqəsinin qarşısında soyğunçuluq hadisəsi qeydə alınıb. Rayon Polis Şöbəsindən APA-nın Şəki-Zaqatala bürosuna verilən məlumata görə,
hadisə ötən gün şəhərin mərkəzi bazar ərazisində fəaliyyət göstərən
valyutadəyişmə məntəqələrindən birində baş verib. Şəki rayon sakini Azər
Nəcəfov pul dəyişmək məqsədilə məntəqəyə yaxınlaşarkən naməlum şəxs onun
əlindəki 2000 ABŞ dolları məbləğində pulu alaraq hadisə yerindən qaçıb. Polis
əməkdaşlarının keçirdiyi əməliyyat-axtarış tədbirləri nəticəsində hadisəni
törətmiş Tərtər rayon sakini Rəvan İlyas oğlu Mirzəyev yaxalanıb. R. Mirzəyev
ilkin dindirmə zamanı soyğunçuluq əməlini tamah məqsədilə törətdiyini etiraf
edib. Faktla bağlı Şəki Polis Şöbəsində CM-nin 180.2.5-ci (zərər çəkmiş şəxsə
xeyli miqdarda ziyan vurma) maddəsi ilə cinayət işi açılıb, araşdırma aparılır.
