Şəki. Hafiz Heydərov-APA. Şəki rayonunda sərnişin avtobusu yanıb.
Fövqəladə Halllar Nazirliyinin Şəki rayon Yanğından Mühafizə İdarəsindən
APA-nın Şəki-Zaqatala bürosuna verilən məlumata görə, hadisə bu gün saat 19:00
radələrində Şəki-Oxud yolunun 5-ci kilometrliyində qeydə alınıb. Rayon
mərkəzindən Oxud kəndinə gedən, Qalib Məmmədovun idarə etdiyi “Paz” markalı, 55
BJ 027 dövlət nömrə nişanlı sərnişin avtobusunda texniki nasazlıq üzündən
yanğın baş verib. Avtobusda olan sərnişinlər maşını vaxtında tərk edib və
xəsarət alan olmayıb. Lakin yanğının qarşısını almaq mümkün olmayıb və maşın
yanaraq sıradan çıxıb. Faktla bağlı araşdırma aparılır.
