Главная » 2008 » Июль » 18 » Əmək və əhalinin sosial müdafiəsi naziri Şəkidə zona müşavirəsi keçirib
Əmək və əhalinin sosial müdafiəsi naziri Şəkidə zona müşavirəsi keçirib
18:16:21
Şəki. Hafiz Heydərov - APA. Əmək və əhalinin
sosial müdafiəsi naziri Füzuli Ələkbərov bu gün Şəkidə zona müşavirəsi keçirib.
APA-nın Şəki-Zaqatala bürosunun məlumatına görə, nazirliyin ümumi şöbəsinin
müdiri Bəxtiyar Əliyev çıxış edərək bu ilin son altı ayı ərzində ölkənin
şimal-qərb bölgəsindən nazirliyin ünvanına 12852 şikayət ərizəsinin daxil
olduğunu bildirib. Ünvanlı sosial yardımın təyinatı ilə bağlı şikayət ərizələri
barədə isə nazirliyin digər əməkdaşı Natiq Qasımov məlumat verib. O, bu ilin birinci
yarısında ünvanlı sosial yardım şöbəsinə gələn 2114 şikayət ərizəsinin
hamısının yerində araşdırılaraq həll edildiyini bildirib. Müşavirənin sonunda
çıxış edən F. Ələkbərov bütün rayonlarda yoxlamaların aparılacağını və əhalini
narahat edən problemlərin yerində araşdırılaraq həll ediləcəyini söyləyib.
