Zaqatala tarix-diyarşünaslıq muzeyində Azərbaycan Milli Mətbuatının yaranmasının 133-cü ildönümü münasibəti ilə sərgi açılıb - FOTOSESSİYA - 17 Июля 2008 - APA-Zaqatala
Главная » 2008 » Июль » 17 » Zaqatala tarix-diyarşünaslıq muzeyində Azərbaycan Milli Mətbuatının yaranmasının 133-cü ildönümü münasibəti ilə sərgi açılıb - FOTOSESSİYA
Zaqatala tarix-diyarşünaslıq muzeyində Azərbaycan Milli Mətbuatının yaranmasının 133-cü ildönümü münasibəti ilə sərgi açılıb - FOTOSESSİYA
17:40:33
Zaqatala. Hafiz Heydərov-APA. 22-iyul Şərqin görkəmli şəxsiyyətlərindən
biri olan Həsən bəy Zərdabi (1842-1907) tərəfindən Azərbaycanda milli mətbuatın
əsasının qoyulmasından 133 il keçir. APA-nın
Şəki-Zaqatala bürosunun məlumatına görə, bu tarixi gün münasibəti ilə Zaqatala
tarix-diyarşünaslıq muzeyində “Azərbaycan Milli Mətbuatının yaranmasından 133
il keçir” adı altında sərgi təşkil edilib. Muzeyin direktoru Cahangir
Soltanovun sözlərinə görə, sərgi iki hissədən ibarətdir. Birinci hissə
“Zaqatala tarix-diyarşünaslıq muzeyi kütləvi informasiya vasitələri
səhifələrində” adlanır. Adıçəkilən sərgidə muzey və buradakı eksponatlar barədə
müxtəlif dövrlərdə qəzet, jurnal və internet səhifələrində Azərbaycan, rus,
ingilis, fransız və ərəb dillərində çap edilmiş materiallar nümayiş etdirilir.
Sərginin ikinci hissəsi “Mətbuat bütün dövrlərdə ictimai-siyasi həyatda mühüm
rol oynayır” başlığı altında təqdim edilir. Milli mətbuat gününə həsr edilmiş
sərginin bu bölməsində 20-ci əsrin əvvəllərində müxtəlif dillərdə nəşr olunmuş
və ayrı-ayrı məzmunlara malik qəzet nüsxələri nümayiş etdirilir ki, bu qəzet
nümunələri içərisində 1923-cü ildə Azərbaycanın kənd bölgələri arasında əsgi
əlifba ilə nəşr olunan “Zaqatala kəndçisi” qəzetinin foto nüsxələri də vardır.
Qeyd edək ki, Zaqatala muzeyində həmçinin, ABŞ-ın müstəqilliyinin 232-ci
ildönümü münasibəti ilə dünya tütün sənayesinin nəhəngi “Philip Morris” kompaniyasının
sovet dövründə Zaqatala bölgəsindəki fəaliyyəti ilə bağlı sərgi də nümayiş
etdirilir. Hazırda isə muzeyin numizmatika fondunda olan eksponatların
sərgilənərək tamaşaçılara nümayiş etdirilməsi ilə bağlı texniki məsələlər həll
olunur.
Bu muzeyin direktoruna halal olsun! Halal olsun ki bu cur temiz, seliqeli bir muzey yaradib, Bu muzeyle baqli sekillere baxanda insanda cox maraq oyanir, muzeyin ozunu canli gorsek yeqin ki lap maraqli olar. Muzeyin direktoru cox ishguzar adama benzeyir,allah ona uzun omur, can saqliqi versin ki, bu muzeyi hemise bu tempde saxlaya bilsin! AMIN!
