Главная » 2008 » Июль » 15 » Şəkidə ağır yol qəzası baş verib, ölən və yaralananlar var
Şəkidə ağır yol qəzası baş verib, ölən və yaralananlar var
16:52:17
Şəki. Hafiz Heydərov-APA. Şəki rayonunda ağır yol-qəzası
baş verib. “Qaz-51”
markalı yük maşınının aşması nəticəsində bir nəfər ölüb, 12 nəfər isə müxtəlif
dərəcəli bədən xəsarəti alıb. Şəki rayon Polis Şöbəsindən APA-nın Şəki-Zaqatala
bürosuna verilən məlumata görə, hadisə bu gecə rayonun Qoxmux kəndi ərazisində,
Qarabulaq adlanan yerdə baş verib. Şəkinin Oxud kənd sakini, 1985-ci il
təvəllüdlü Məmməd İsmayıl oğlu Məmmədov idarə etdiyi, içərisində 13 sərnişin
olan “Qaz-51”
markalı, AZV-5485 dövlət nömrə nişanlı yük maşınını aşırıb. Qəza nəticəsində
maşında olan sərnişinlərdən biri, rayonun Oxud kənd sakini, 1938-ci il
təvəllüdlü Aydın İsmayıl oğlu Məmmədov hadisə yerindəcə ölüb. Xəsarət almış
sərnişinlər isə Şəki mərkəzi rayon xəstəxanasına yerləşdiriliblər. Faktla bağlı
RPŞ tərəfindən araşdırma aparılır.
