Главная » 2008 » Июль » 10 » Beynəlxalq Respublikaçılar İnstitutu Zaqatalada seminar keçirib
Beynəlxalq Respublikaçılar İnstitutu Zaqatalada seminar keçirib
16:15:51
Zaqatala. Hafiz Heydərov-APA. ABŞ-ın Beynəlxalq Respublikaçılar
İnstitutu Zaqatalada seçki öncəsi siyasi partiyalar və QHT-lər üçün
seminar-treninq keçirib. APA-nın Şəki-Zaqatala bürosunun məlumatına görə,
seminara YAP, Müsavat, AXCP və yerli QHT
nümayəndələri qatılıb. Siyasi Liderlik Mərkəzi layihəsi çərçivəsində təşkil
olunmuş seminarda seçki ilə bağlı müxtəlif mövzular gündəmə gətirilib. Tədbir
iştirakçıları seçki ərəfəsində seçkiyə hazırlıq və seçki texnaloqiyaları barədə
bilgi əldə ediblər. Seminar iştirakçılarına ictimai əlaqələrin yaradılması,
mesajın formalaşdırılması və nitqin hazırlanması kimi mövzularla bağlı ətraflı
məlumat verilib. Seminarın iki gün davam edəcəyi bildirilir.
