Главная » 2008 » Май » 30 » Azərbaycanın şimal-qərb bölgəsində qasırğa olub
Azərbaycanın şimal-qərb bölgəsində qasırğa olub
19:35:13
Şəki-Zaqatala-Qax-Balakən. Hafiz Heydərov-APA. Azərbaycanın şimal-qərq bölgəsində qasırğa olub. APA-nın Şəki-Zaqatala bürosunun məlumatına görə, nəticədə Şəki, Zaqatala, Qax və Balakən rayonlarına ciddi ziyan dəyib, bölgələrə elektrik enerjisinin verilməsi dayandırılıb. Yaşayış evlərinin və sosial obyektlərin dam örtükləri uçub, ağaclar aşıb, bəzi yollar bağlanıb. Şəki Paylayıcı Elektrik Şəbəkəsindən APA-nın yerli bürosuna bildirilib ki, güclü külək nəticəsində elektrik dirəkləri aşıb, yüksək gərginlikli elektrik xətləri qırılıb. Güclü külək nəticəsində yol kənarındakı ağaclar naqillərin üstünə aşaraq elektrik xətlərini sıradan çıxarıb. Rayon Fövqəladə Hallar Komissiyasının nümayəndəsi Valeh Ələkbərov təbii fəlakət nəticəsində yaranan problemlərin aradan qaldırılması üçün xüsusi komissiya yaradıldığını deyib.
