Главная » 2008 » Май » 26 » Zaqatalada orta məktəb müəllimləri üçün test imtahanı keçirilir
Zaqatalada orta məktəb müəllimləri üçün test imtahanı keçirilir
21:37:00
Zaqatala. Hafiz Heydərov-APA. Zaqatalada orta məktəb müəllimləri üçün test imtahanı keçirilir. Rayon Təhsil Şöbəsinin (RTŞ) müdiri Tahir Məmmədovun APA-nın Şəki-Zaqatala bürosuna verdiyi məlumata görə, rayondakı bütün ixtisaslar üzrə orta məktəb müəllimləri test imtahanından keçəcək. Prosesin mərhələ-mərhələ həyata keçirildiyini vurğulayan T. Məmmədov imtahanların test üsulu ilə aparıldığını söyləyib. Sual toplusuna isə 40 tapşırıq daxil edilib. Bu günə qədər bir neçə ixtisas üzrə sınaq testlərinin keçirildiyini söyləyən RTŞ-nin müdiri ümumi nəticələrin imtahanlar tam başa çatdıqdan sonra açıqlanacağını bildirib: “Yüksək nəticə qazanan müəllimlərimiz qiymətləndiriləcək, pis nəticə əldə edənlər barəsində isə tədbirlər görüləcək.”
